MITGLIED WERDEN

Ënnerstëtzt d’Kulturfabrik fir 2021!

D’Kulturfabrik, e „lieu de vie“, dee Kultur an all senge Forme schaaft, empfänkt a verdeedegt, ass vun der sanitärer Situatioun an den doraus resultéierenden ongléckleche Konsequenzen natierlech net verschount ginn. D’Kultur war an ass eent vun de grousse Kollateralaffer vum Virus a wäert nach laang dru leide missen. Am Summer 2020 an an de rare Momenter, an deenen et erlaabt war, eist Zentrum nees mat Liewen ze fëllen, hunn mir alles gemaach fir eis nei z’erfannen an d’Konscht stattfannen ze loossen – egal wat et eis kascht. An mir maachen dëst Joer weider.

Mir wëllen éierlech Merci soen, all deenen déi eis ënnerstëtzen, punktuell oder schonn iwwer Joren ewech. Är Ënnerstëtzung ass fir d’Nohaltegkeet eiser kënschtlerescher, kultureller a pedagogescher Aktiounen essentiell. Mir lueden Iech dofir an, eis Memberskaart z’abonéieren an/oder en Don un eis ASBL ze maachen. D’Memberskaart ass en Joer gëlteg a kascht 15€; e symbolesche Montant, deen Iech d’Recht gëtt, un eise Generalversammlungen deel ze huelen an all Mount Post mat eisem Programm z’empfänken.

Sich einschreiben

Informationen und Bankdaten: HIER